Кой-Таштагы 73809-аскер бөлүгүнүн жатаканасында офицердин асылып турган жансыз денеси табылды. Бул маалыматты КР Куралдуу күчтөрүнүн басма сөз кызматы билдирди.
Алдын ала маалыматтар боюнча, С.Т. аттуу майордун денесин 10-ноябрь күнү эртең мененки саат 08:00 чамасында көрүшкөн. Ал ошол аскер бөлүгүнүн жатаканасында жашап жаткан.
Учурда КР Куралдуу күчтөрүнүн башчылыгы тарабынан бул факт боюнча кызматтык иликтөө жүргүзүлүп жана бул окуя боюнча Аскер прокуратурасына кабар берилген.