“Бишкек шаардык кеңешке болгон шайлоого парламенттик көпчүлүк коалициясынын мүчөлөрү мыйзам бузуу менен катышып, анын алдын алган эмес”, - деп “Ар-Намыс” фракциясынын бүгүнкү жыйынында депутат Турсунбай Бакир уулу билдирди.
“Мен коалиция мүчөлөрүнүн жана фракция лидерлеринин мыйзам бузуунун алдын алуу боюнча биргелешкен аракетин көргөнүм жок, - дейт ал. – Лидерлер болгону бири-бирин жамандап, өздөрү бурмалоонун мастери болуп чыга келишти”, - дейт депутат.
Бакир уулу ошондой эле “Ар-Намыс” фракциясы шайлоодо “таза жана так” катышкан жалгыз партия болгонун билдирди. Ошондой эле коллегаларына “Ата Мекен” менен “Ата-Журт” “Ар-Намысты” “Республикага” каршы болгон “согушта” биригүүгө чакырганын эске салды.
“Бирок биз ар дайым абийирдүү болуп келдик, бул жаңжалга аралашкан жокпуз”, - дейт ал.
Депутат “таза өтпөгөн шайлоодон кийин” фракциясынын коалициядан чыгуу маселесин көтөрүү керектигин белгиледи. Аны Анвар Артыков менен Каныбек Осмоналиев колдоого алды.
Атынарга жараша аз да болсо ар-намысынар калыптыр, ал эми текебайчылар
Замандаш партиясынан калып баратканда баардык жоболорго каршы иштеп
силерди жаман ахыбалга калтырып кеткенин элдин бир даары биле алды.
Республика пртиясынан арбын добушка ээ болушса анда бир аз мансапкорлор
бекер оокаттан кол жуурун билип абдан пастыка барды ушак таратып жамандашып
Мындай жоруктары элди иренжиткенден башка аларга туура баа берилбеди.
