Феликс Шаршенбаевич, сиз эмнеге оппозицияга кетмек элеңиз.Парламенттин табиятына жат, Алмаз Шареновичтин партиясына классикалык 3 бийликти карматып бергенге макул болдуңуз.Убагында Бакиевдин үкөсү Жанышты СНБга дайындар алдында,"Ал жерге президенттин көздөй ишенген адамы отурсун" деп, экс-өлкө башчысын жолдон чыгарып, адаштырган сиз болгонсуз.Атамбаев кан кудасын наркотрафик кызматына Жантөрө аркылуу дайындатса, мен андан кем белем деп жаш колуктуңузду шаар депутаттыгына көрсөтө салдыңыз "Жаш келинчегимди эл көрсүн, байкасын, анан шайласын" деген аргументиңиз суу кечпейт.Өмүрү саясаттын тегирменинде боркулдап кайнабаган Фатима Абдурасулова үчүн эл добуш бербейт, электорат партиянын ишмердигине жараша таразалайт.Эми мынчалык болду көзү-кашы төгүлгөн жаш балдыздарыңызды кошоктоп жетелеп чыксаңыз да эл таңгалчу болбой калды.Түлеевдин тоодой-таштай өз партиясы турса, анан Арнамыстан премьер болом деп делөөрүп чыкканы кызык болду.Көрсө көзү тостоюп темир тордо жатса, сыртта Нарикенин бизнесин бештеп жатканыңызга, баракелде.Таңгөрү пулуң болсо, кулуңмун дечү чалкеш заман болду.
Феликс Кулов: Биз оппозицияга кетүүгө даярданган жокпуз
“Биз оппозицияга кетүүгө даярданган жокпуз. Бул мыйзамды биз өзүбүз үчүн эмес, мамлекетте оппозициянын нормалдуу ишмердиги үчүн кабыл алуудабыз”, - деп “Оппозициялык ишмердик жөнүндөгү” мыйзам долбоорунун демилгечиси “Ар-Намыс” фракциясынын депутаты Феликс Кулов “Кыргызстандагы оппозиция: чындык жана келечек” аттуу тегерек столдо билдирди.
Анын айтымында, өлкөдө расмий оппозиция жана өзүнүн макул эместиктерин билдирген кишилердин тобу бар. Мындай жарандар өтө эле көп жана ар бир мамлекетте бар. Эгер калктын 90 пайызына өкмөтү жакпаса да, алар оппозиция боло албайт.
“Биз оппозиция түшүнүгүн парламенттин ичинде жана тышында да мыйзамдаштырууну каалайбыз”, - деди Кулов.
Мисал катары ал шайлоо учурунда байкоочуларды алыш үчүн жалган партиялар түзүлөрүн айтты. Ар түрдүү пайда үчүн партиялар түзүлөт дейт ал. Бирок, мыйзамга ылайык өздөрүн оппозиция деп атагандар аларды угууга кепил болуп бере алат.
“Партиянын расмий укуктары канчалык көп болгон сайын, анын сынынан бийлик ошончолук коркот. Биз партиялык түзүлүшка жардам бере ала турган укуктук маданиятты көтөрүүнү каалайбыз”, - дейт Кулов.
