Туратбек Мадылбеков: Уулумдун бошотулушу анын күнөөсүз экенин далилдеди
“Уулум Элдардын бошотулу ага коюлуп аткан рейдерлик басып алуу жана Бакиевдердин мүлкүн сатуу боюнча күнөөсүз экенин көрсөтүүдө”, - деп “Ата Мекен” фракциясынын депутаты Туратбек Мадылбеков “ВБ”га билдирди.
Анын айтымында, бүгүн 15-ноябрда КР Жогорку соту анын баласына козголгон кылмыш ишинин материалдары менен таанышып, Бишкек прокуратурасынын бир бөлүмүнүн жетекчиси адилеттүү чечим кабыл алган. Депутаттын баласынын гепатит С менен оорурун эске алып, аны үй камагына чыгарган.
“Бошотулгандан кийин ал дарыланат жана өзүнүн күнөөсүз экенин аныктоочу далилдерди чогултуу менен алектенет”, - деди Турат Мадылбеков.
Ал ошондой эле убактылуу тергөө абагынан уулунун саламаттыгы начарлап кеткендигин кошумчалады жана азыр аны даарылоо – башкы максат деди.
