Темирбаев: 7-апрелде "Форумдун" алдында эмне кылышты Рысалиев билген эмес
7-апрелде "Форум" имаратынын алдында кандай аракеттерди жасоо керектигин Рысалиев билген эмес. Бул тууралуу Мамлекеттик коргоо кызматынан мурдагы төрага орун басары Нурлан Темирбаев 7-апрель окуясы боюнча соттук отурумда билдирди.
Анын айтымында ал өз курамы менен Шабдан Баатыр көчөсүндө жайгашкан "Форум" имаратына барган. Ал жерден ал Свердлов РИИБинин жетекчиси Зарылбек Рысалиевди көргөн. Рысалиев митингчилер менен түзүлгөн абалга кандай аракет кылууну билбей турган.
"Рысалиев менин "Форумдун" имаратына келгениме чейин милиция кызматкерлери менен митингчилер арасында чатакташуу болуп, укук коргоо органынын кызматкерлери жараат алганын айтты", - дейт Темирбаев.
Ал ошондой эле Рысалиев менен сүйлөшкөндөн кийин алар тарапка митингчилер атырылып, күч түзүмүнүн кызматкерлерин сабоого өткөн. Жетекчилер командагы артка чегинип, митингчилерге ок чыгарбоо буйругун беришкен.
